அறிவைப் பேணுதல் - இந்தியாவில் சமூக ஆவணக்காப்பகங்களை மறுபரிசீலனை செய்தல்

சமூக அறிவுத் தொகுப்புகளை உருவாக்குதல் மற்றும் மீட்டெடுத்தல் குறித்த ஒரு ஒன்றுகூடல்

Please click here to see this page in English

ಈ ಪುಟವನ್ನು ಕನ್ನಡದಲ್ಲಿ ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ഈ പേജ് മലയാളത്തിൽ കാണാൻ ഇവിടെ ക്ലിക്ക് ചെയ്യുക.

ఈ పేజీని తెలుగులో చూడటానికి ఇక్కడ క్లిక్ చేయండి.

கருத்துரை

பழங்குடியின மக்கள் மற்றும் உள்ளூர் சமூகங்கள் (இண்டிகேனோஸ் பெஒப்லே அண்ட் லோக்கல் கம்யூனிட்டிஸ் - ஐ பி எல் சீ) என்ற சொல், தங்களைப் பழங்குடியினராக அடையாளப்படுத்திக் கொள்ளும் மற்றும் ஒரு குறிப்பிட்ட உள்ளூர் சமூகத்தைச் சேர்ந்த மக்களைக் குறிக்கப் பயன்படுத்தப்படுகிறது. குறிப்பாக, தங்கள் நிலம், காடுகள், நீர்நிலைகள் மற்றும் சுற்றுச்சூழல் அமைப்புகளுடன் நீண்டகாலமாக சமூக மற்றும் பண்பாட்டு உறவுகளைக் கொண்ட மக்களை இது குறிக்கிறது. “பழங்குடியினர்” என்ற சொல்லை இந்திய அரசு பயன்படுத்துவது மற்றும் அதன் பொருத்தம் குறித்து இன்னும் விவாதங்கள் இருந்தாலும், இந்தச் சொல் சமூகத்தில் பரவலாகப் பயன்படுத்தப்படும் ‘ஆதிவாசி’ என்ற சொல்லுடன் பெரும்பாலும் தொடர்புபடுத்தப்படுகிறது. இந்தியாவில் ஆதிவாசிகள் தொடர்பான அரசின் கொள்கைகளைப் புரிந்துகொள்ள “அட்டவணைப் பழங்குடியினர்” (ஸ்செடுலேட் திரிபே) என்ற நிர்வாக வகைப்பாடு பயன்படுத்தப்படுகிறது. 2011ஆம் ஆண்டு மக்கள்தொகைக் கணக்கெடுப்பின்படி, 10.4 கோடிக்கும் அதிகமான மக்கள், அதாவது இந்தியாவின் மொத்த மக்கள்தொகையில் சுமார் 8.6 சதவீதம் பேர், அட்டவணைப் பழங்குடியினரைச் சேர்ந்தவர்கள். இருப்பினும், நாடோடி மற்றும் முன்னர் அறிவிக்கப்பட்டு பின்னர் நீக்கப்பட்ட பழங்குடியினர் (டிஎன்டீஸ்) மற்றும் ஐ பி எல் சீஸ் என்ற பரந்த கருத்துக்குள் வரும் பிற அங்கீகரிக்கப்படாத சமூகங்களின் நிலை, அங்கீகாரம் மற்றும் பிரதிநிதித்துவம் குறித்து இந்தியாவில் இன்னும் மிகக் குறைந்த தகவல்களே உள்ளன.

இந்தியா முழுவதும் உள்ள ஆதிவாசி மக்கள் மற்றும் உள்ளூர் சமூகங்கள் பல்வேறு வகையான அறிவு மரபுகளைக் கொண்டுள்ளனர். நிலம், உயிரினப் பல்வகைமை, வாழ்வாதாரம், பண்பாடு மற்றும் சமூக வாழ்க்கையுடனான அவர்களின் உறவுகளின் மூலம் இந்த அறிவு தலைமுறைகளாக உருவாகி, ஒரு தலைமுறையிலிருந்து மற்றொரு தலைமுறைக்குக் கடத்தப்பட்டு வருகிறது. இந்த சமூகங்களிடம் வளமான வரலாறுகள், மொழிகள், சூழலியல் அறிவு, பாடல்கள், கதைகள் மற்றும் நிலம் மற்றும் உயிரினங்களுடன் உள்ள உறவு முறைகள் உள்ளன. இந்த உயிரோட்டமான அறிவு அவர்களின் அடையாளத்துடனும் நினைவுகளுடனும் ஆழமாக இணைந்துள்ளது. இன்று அரசுகள், ஆய்வாளர்கள், நிறுவனங்கள் மற்றும் தனிநபர்களிடையே இந்த அறிவின் மீது அதிகரித்து வரும் ஆர்வம் காணப்படுகிறது. ஆனால், சமூகங்களை அறிவின் பாதுகாவலர்களாகவும் முடிவெடுப்பவர்களாகவும் பார்ப்பதற்குப் பதிலாக, அவர்களை பெரும்பாலும் ஆய்வின் பொருளாகவோ அல்லது நலத்திட்டங்களின் பயனாளிகளாகவோ மட்டுமே கருதியுள்ளனர்.

சில சந்தர்ப்பங்களில், சமூகங்களின் முழுமையான புரிதல், ஒப்புதல் அல்லது பங்கேற்பு இல்லாமலேயே அவர்களின் அறிவு பதிவு செய்யப்பட்டு மற்றவர்களுடன் பகிரப்பட்டுள்ளது. பல நேரங்களில், தங்களைப் பற்றிய பதிவுகள், புகைப்படங்கள் அல்லது தரவுகள் காப்பகங்களிலும் பிற சேகரிப்புகளிலும் உள்ளன என்பதே சமூகங்களுக்குத் தெரியாமல் இருக்கிறது. இத்தகைய பதிவுகள் சில நேரங்களில் சமூகங்களின் வரலாறுகள், பண்பாட்டு நடைமுறைகள், சூழலியல் அறிவு, உரிமைகள் மற்றும் அங்கீகாரத்திற்கான தற்போதைய முயற்சிகளை வலுப்படுத்த உதவக்கூடும். ஆனால், அவை சமூகங்களைத் தவறாகப் பிரதிபலிக்கலாம்; அறிவை அதன் அசல் சூழலில் இருந்து பிரிக்கலாம்; அல்லது சமூகத்தின் முன் ஒப்புதல் இல்லாமல் பண்பாட்டு ரீதியாக உணர்வுப்பூர்வமான அறிவை மற்றவர்கள் அணுகுவதற்கான வாய்ப்பை ஏற்படுத்தலாம். சமீப ஆண்டுகளில் இந்தியாவின் பல பகுதிகளில் உள்ள சமூகக் குழுக்கள், கூட்டமைப்புகள் மற்றும் இந்தத் துறையில் பணியாற்றுபவர்கள் சில முக்கியமான கேள்விகளை எழுப்பத் தொடங்கியுள்ளனர்:

• நமது வரலாறுகளும் அறிவும் யாரிடம் உள்ளன?
• அவற்றை எவ்வாறு பயன்படுத்த வேண்டும் அல்லது பகிர வேண்டும் என்பதை யார் தீர்மானிக்கிறார்கள்?
• எதிர்கால தலைமுறைகளுக்காக அவற்றை நமது சொந்த முறைகளில் எவ்வாறு பாதுகாத்துக் கொள்ளலாம்?

இந்த உரையாடல்களின் மூலம், காப்பகங்களும் அறிவுச் சேகரிப்புகளும் சுய பிரதிநிதித்துவம் மற்றும் சுயமாக முடிவெடுக்கும் இடங்களாக மறுபரிசீலனை செய்யப்படுகின்றன. பழைய பதிவுகளைப் பாதுகாப்பதில் மட்டும் கவனம் செலுத்தாமல், தங்களுடைய அறிவை எவ்வாறு பதிவு செய்ய வேண்டும், எவ்வாறு பராமரிக்க வேண்டும், எவ்வாறு பகிர வேண்டும் என்பதைத் தீர்மானிப்பதில் சமூகங்களுக்கு அர்த்தமுள்ள பங்கு இருக்க வேண்டும் என்ற கருத்து முன்வைக்கப்படுகிறது. இதில் உணர்வுப்பூர்வமான தகவல்களைப் பாதுகாப்பது, தலைமுறைகளுக்கு இடையிலான அறிவுப் பகிர்வை வலுப்படுத்துவது, மேலும் சமூகங்கள் தங்களுடைய சொந்த காப்பகங்களை உருவாக்கி நிர்வகிக்க உதவுவது ஆகியவை முக்கியமானவை. டிஜிட்டல் தொழில்நுட்பங்களும் செயற்கை நுண்ணறிவும் (ஆர்டிபிசியால் இன்டெலிஜென்ஸ் - எஐ ) தரவின் பயன்பாட்டை வேகமாக விரிவுபடுத்தி வரும் இன்றைய சூழலில் இது மேலும் முக்கியத்துவம் பெறுகிறது. சமூகங்களின் அறிவு எவ்வாறு பயன்படுத்தப்படுகிறது மற்றும் மீண்டும் பயன்படுத்தப்படுகிறது என்பது அவர்களுக்கு எப்போதும் தெரியாமல் இருக்கலாம். அதற்கு யார் பொறுப்பு என்பதும் தெளிவாக இல்லாமல் இருக்கலாம். காப்பகங்களை மீண்டும் சமூகங்களின் கைகளுக்குக் கொண்டு வருவது என்பது, எதிர்காலத்தில் அறிவு எவ்வாறு பயணிக்க வேண்டும் என்பதையும் சமூகங்களே தீர்மானிப்பதாகும் - மரியாதை, ஒப்புதல் மற்றும் கூட்டு கட்டுப்பாட்டுடன்.

நூற்பட்டியல்

Ahammad, R., Sangha, K., Evans, J., & Metcalfe, O. (2026). Revisiting the Definition and Recognition of Indigenous Peoples and Local Communities for Biodiversity Conservation. Ecology and evolution, 16(2), e72958. https://doi.org/10.1002/ece3.72958

Bijoy, C. R., & Nongbri, T. (2013). Country technical note on Indigenous Peoples’ issues: Republic of India. International Fund for Agricultural Development (IFAD).

Dhir, R. K. (2015). Indigenous peoples in the world of work in Asia and the Pacific: A status report. International Labour Organization.

Linggi, T. (Ed./Auth.). (2024). The Idu Mishmi Code of Research Ethics (IMCRE) (2nd ed., 2025). Idu Mishmi Cultural and Literary Society (IMCLS).

Salar, N., & Murthy, S. (2023). The exploited yet legally underappreciated apparel domain of indigenous communities: Tracing WIPO’s efforts and ongoing challenges. The Journal of World Intellectual Property, 26, 312–327. https://doi.org/10.1111/jwip.12266

Shankar, P. (2026, July 6). Indigenous communities missing in India’s report on Access and benefit sharing [commentary]. Mongabay India. https://india.mongabay.com/2026/07/indigenous-communities-missing-in-indias-report-on-access-and-benefit-sharing-commentary/

நிகழ்வின் விவரங்கள்

தேதி: 30 மற்றும் 31 ஜூலை 2026

நேரம்: காலை 9:30 முதல் மாலை 6:00 வரை

இடம்: பதஞ்சலி கருத்தரங்க அரங்கம், தி யூனிவர்சிட்டி ஆப் ட்ரான்ஸ்-டிசிப்ளினரி ஹெஅழ்த் சயின்சஸ் அண்ட் டெக்னாலஜி (தி டி யு ), பெங்களூரு

முறை: நேரடி சந்திப்புகள், சிறு குழு விவாதங்கள், கதைகளைப் பகிர்தல், இணைந்து மேற்கொள்ளும் செயல்பாடுகள் மற்றும் திறந்த உரையாடல்கள்

மொழிகள்: ஆங்கிலம், கன்னடம், மலையாளம், தெலுங்கு மற்றும் தமிழ்

ஏற்பாட்டாளர்கள்: அந்தர அட்வைசரி, அர்க்கிவ்ஸ் அட் என்சிபிஎஸ், கீஸ்டோன் அறக்கட்டளை, மில்லி அர்ச்சிவ்ஸ் பௌண்டடின் மற்றும் தி யூனிவர்சிட்டி ஆப் ட்ரான்ஸ்-டிசிப்ளினரி ஹெல்த் சயின்சஸ் அண்ட் டெக்னாலஜி (திடியு).

நிதியுதவி: மில்லி அர்ச்சிவ்ஸ் பௌண்டடின்க்கு ரஷேஷ் அண்ட் வித்யா ஷாஹ் பேமிலி பௌண்டடின் மற்றும் கீஸ்டோன் அறக்கட்டளை, குளோபல் சவுத் அல்லியன்ஸ் ஆகியவற்றிடமிருந்து.

பங்கேற்பாளர்கள்: ஆந்திரப் பிரதேசம், கர்நாடகா, கேரளா, தமிழ்நாடு மற்றும் தெலங்கானா ஆகிய மாநிலங்களைச் சேர்ந்த ஆதிவாசி மக்கள் மற்றும் உள்ளூர் சமூகங்கள் (ஐ பி எல் சீ), சமூகக் கூட்டமைப்புகள், காப்பகப் பணியாளர்கள், பண்பாட்டுச் செயற்பாட்டாளர்கள், ஆய்வாளர்கள் மற்றும் நிறுவனங்கள்.

பயிலரங்கின் சுருக்கம்

இந்தக் கேள்விகள் குறித்து அனைவரும் ஒன்றாகச் சிந்திப்பதற்கான ஒரு வாய்ப்பாக இந்தப் பயிலரங்கம் அமைந்தது. அறிவு, நினைவுகள் மற்றும் பண்பாட்டு மரபுகளுடன் பணியாற்றி வரும் ஆதிவாசி மக்கள் மற்றும் உள்ளூர் சமூகங்கள் (ஐ பி எல் சீ), அறிவுப் பணியாளர்கள், காப்பகப் பணியாளர்கள், ஆய்வாளர்கள் மற்றும் நிறுவனங்கள் இந்தப் பயிலரங்கில் ஒன்றாகக் கூடினர்.

இந்தப் பயிலரங்கில் தென்னிந்தியாவின் 5 மாநிலங்களைச் சேர்ந்த 24 சமூகங்களைப் பிரதிநிதித்துவப்படுத்தி 57 பேர் பங்கேற்றனர்.

பல்வேறு அனுபவங்களையும் கருத்துகளையும் சுதந்திரமாகப் பகிர்ந்து கொள்ளும் வகையில் இந்தக் கூட்டம் பங்கேற்பு அடிப்படையிலான, பல்மொழித் தளமாக அமைக்கப்பட்டது. ஒரே ஒரு அணுகுமுறையைக் கண்டுபிடிப்பதைவிட, சமூகங்களுக்கும் நிறுவனங்களுக்கும் இடையே கேட்பது, உரையாடுவது மற்றும் ஒருவரிடமிருந்து ஒருவர் கற்றுக்கொள்வது ஆகியவற்றுக்கு இந்தப் பயிலரங்கில் முக்கியத்துவம் அளிக்கப்பட்டது.

நாம் ஒன்றாக விவாதித்த கேள்விகள்:

• சமூகத்தின் உள்ளிருந்து பார்க்கும்போது, ஒரு சமூகக் காப்பகம் எப்படி இருக்க வேண்டும்?
• சமூகங்களின் தேவைகள், அடையாளங்கள் மற்றும் எதிர்காலத்திற்கு காப்பகங்கள் எவ்வாறு உதவ முடியும்?
• எந்த வகையான அறிவைப் பகிரலாம்? எந்த அறிவைப் பாதுகாக்க வேண்டும்?
• ஒப்புதல், மரியாதை மற்றும் கூட்டு முடிவெடுப்பை எவ்வாறு உறுதி செய்வது?
• சமூகங்கள், நிறுவனங்கள் மற்றும் இந்தத் துறையில் பணியாற்றுபவர்கள் இணைந்து செயல்படும் போது என்னென்ன பங்குகளை வகிக்க முடியும்?

ஐ பி எல் சீஸ் – 24

ஆளு குறும்பா, பின்தங்கிய வகுப்பினர், படக, செஞ்சு, சோழநாயகன், கடலோர சமூகங்கள், தலித், ஹக்கி பிக்கி, இருளர், இருளிக, காடர், காட்டுநாயகன், குறவர், குறுச்சியா, லம்பணி, மலமலசர், மலமுத்தன், மலசர், மலையான், முதுவன், பணியா, சற்று, சொல்லிக்க மற்றும் தோடா.

பங்கேற்பாளர்கள் – 57

எ. சிரஞ்சீவி, அஜித் குட்டன், அகிஹிலா ஜார்ஜ், அரவிந்த் அஸ்த்தர்ஸ், அருண், அஸ்வதி கி வி, பண்ணல கிரந்தி குமார், பூவன், பிடடிக்க சுஹாசினி, டேனியல் சாம்ராஜ், தரவைஹ், துர்கா, துர்கா மூர்த்தி, கி. அஞ்சினம்மா, கீதா வி கே, ஜடேஸ்வமி எம், ஜெயந்தி ஆர், ஜேஆர் மணி, கறளன், காவ்யா கே, குமுதா சுஷில், லக்ஷ்மீ எம், மதன், மல்லிகார்ஜுன, மண்டலி அமுல்யா, மண்டலி சிவய்யா, மஞ்சுளா, மனு சோவ்துரி. சி, முருங்கன், என். நரசிம்ம, நாராயணஸ்வாமி, நீலகண்ட நாகப்பா குருபர , பி. சந்திரன், பல்லவி, பிரபு, ராஜேஸ்வரி, ராஜு, ரமேஷ் கிருஷ்ணன், ரேப்பா பிரகாஷ், எஸ் பாளையம், சரவணன், சவர தொட்டே மின்ன ராவ், சீப்பு, ஷாலினி எ, ஸ்ரீகாந்த், சுமித்ரா கே, சுரேஷ் பி, சுஷிலைப்ப, ஸ்யமஜித் பி கே, டீ .பி தினேஷ், திஜு சி தாமஸ், வி. வெங்கடேஷ், வசமல்லி கே, வினோத் செல்லன், விஷ்ணு, யாடுகிரிஷ்ணா கே ர் மற்றும் யுகேஷ்.

ஏற்பாட்டாளர்கள் – 7

அஞ்சலி ஜே ஆர், அபர்ணா யு, பைசல் ஆர், ரஞ்சனி பி, சமீரா எ, வெங்கட் எஸ், வினய் கே

திடியுவின் பணியாளர்கள் மற்றும் ஆசிரியர்கள் வழங்கிய ஆதரவுக்கு எங்கள் நன்றியைத் தெரிவித்துக் கொள்கிறோம்.

தன்னார்வலர்கள் – 12

அபிஷாய் ஜே, தாத்ரி எஸ், தான்ய எஸ் ஆர், தீபிகா எஸ், ஜானகியை எஸ், நூருன்னிசா, ஓஜஸ் கே, பார்வதி வி, சஞ்சனா கி வி, ஸ்ருதி என் ஜே, சுகன்யா எஸ், வித்யா மற்றும் ரவி கே பி.

இந்தக் கூட்டம் ஏன் முக்கியமானது?

இந்தப் பயிலரங்கம் நீண்டகாலப் பயணத்தின் ஒரு பகுதியாக இருந்தது. சமூகங்களுக்கும் காப்பகங்களுக்கும் இடையே வலுவான உறவுகளை உருவாக்குவது, பல்வேறு பகுதிகளின் அனுபவங்களைப் பகிர்ந்து கொள்வது, மேலும் அறிவுடன் பணியாற்றுவதற்கான சமூக அனுபவங்களை அடிப்படையாகக் கொண்ட நடைமுறை அணுகுமுறைகளை உருவாக்குவது ஆகியவற்றுக்கான செயல்முறையின் தொடக்கமாக இது அமைந்தது. இந்தக் கூட்டத்தில் கிடைத்த அனுபவங்களும் கற்றல்களும் இந்தியாவில் சமூகக் காப்பக நடைமுறைகள் குறித்த ஒரு பல்மொழி வழிகாட்டியை உருவாக்குவதற்கு பங்களிக்கும். இந்த வழிகாட்டி இதில் பங்கேற்றவர்களின் குரல்கள் மற்றும் அனுபவங்களின் அடிப்படையில் உருவாக்கப்படும்.

இந்த முயற்சியுடன் இணைந்து பணியாற்ற நீங்கள் விரும்பினால், coarchives26@gmail.com என்ற மின்னஞ்சல் முகவரிக்கு எழுதவும்.

இங்கு வெளியிடப்பட்டுள்ள ஏதேனும் உள்ளடக்கத்தில் திருத்தம் செய்ய அல்லது அதை நீக்க விரும்பினால், coarchives26@gmail.com என்ற மின்னஞ்சல் முகவரிக்கு எழுதவும்.

புகைப்படங்கள்

நினைவின் அடையாளம் (சிம்பல் ஆப் மெமரி):ஒரு நபர் அல்லது சமூகத்திற்குத் தங்களுடைய அல்லது தங்கள் சமூகத்தின் நினைவுகளைப் பாதுகாப்பதையும் பகிர்வதையும் குறிக்கும் என்று கருதப்படும் ஒரு பொருள்.

இரண்டு நாள் பயிலரங்கம் நடைபெற்ற பதஞ்சலி கட்டிடத்தின் முன் எடுக்கப்பட்ட குழு புகைப்படம்.

இரண்டு நாள் பயிலரங்கம் நடைபெற்ற பதஞ்சலி கட்டிடத்தின் நுழைவாயிலில் அமைக்கப்பட்டிருந்த பதிவு மேசை.

அஞ்சலி, தீபிகா மற்றும் தான்ய ஆகியோர் பதிவு மேசையில் பங்கேற்பாளர்களை வரவேற்கும் காட்சி.

பதிவு செய்த பிறகு, பங்கேற்பாளர்கள் கொண்டு வந்த ‘நினைவின் அடையாள’ பொருட்களை சஞ்சனா சேகரிக்கும் காட்சி.

அபிஷாய் தெலுங்கு மொழிக் குழுவில் மொழிபெயர்க்கும் காட்சி.

பார்வதி மலையாள மொழிக் குழுவில் குறிப்புகள் எடுக்கும் காட்சி.

தெலுங்கு மொழிக் குழுவைச் சேர்ந்த ஒரு பங்கேற்பாளர் அஞ்சலியின் விளக்கக்காட்சியைப் பதிவு செய்யும் காட்சி.

பயிலரங்கில் பங்கேற்ற இளம் வயதுடைய பங்கேற்பாளரை சஞ்சனா கவனித்துக்கொள்ளும் காட்சி.

கீஸ்டோன் அறக்கட்டளை சேர்ந்த பைசல், உரிமைகள் மற்றும் பொறுப்புகளை வரைபடமாக்குதல் (மேப்பிங் ரைட்ஸ் அண்ட் ரெஸ்பான்சிபிலிட்டிஸ்) குறித்த உரையாடலை வழிநடத்தும் காட்சி.

அஞ்சலி, கா ப்பகங்கள் மற்றும் அவை ஆதிவாசி மக்கள் மற்றும் உள்ளூர் சமூகங்களுடன் (ஐ பி எல் சீ) கொண்டுள்ள தொடர்பு குறித்து விளக்கக்காட்சி வழங்கும் காட்சி.

தமிழ் மொழிக் குழு கலந்துரையாடலில் ஈடுபட்டுள்ள காட்சி.

மில்லி அர்ச்சிவ்ஸ் பௌண்டடின்ஐச் சேர்ந்த வெங்கட் அறிவுசார் சொத்துரிமை (இன்டெலகிடுல் ப்ரொபேர்ட்டி) குறித்து தனது விளக்கக்காட்சியைப் பகிரும் காட்சி.

தி யூனிவர்சிட்டி ஆப் ட்ரான்ஸ்-டிசிப்ளினரி ஹெஅழ்த் சயின்சஸ் அண்ட் டெக்னாலஜி (திடியு) ஐச் சேர்ந்த சமீரா தலைமையில், ஐ பி எல் சீஸ் -க்காகவும் ஐ பி எல் சீ உடனும் இணைந்து காப்பகங்களை மறுபரிசீலனை செய்தல் என்ற தலைப்பில் கன்னட மொழிக் குழு உரையாடும் காட்சி.

அர்ச்சிவ்ஸ் அட் என்சிபிஎஸ் ஐச் சேர்ந்த அஞ்சலி, வினய் உடன் இணைந்து பாயர் மற்றும் கேர் கொள்கைகளுக்கான அறிமுகம் என்ற அமர்வை நடத்தும் காட்சி.

ஐ பி எல் சீ சமூகங்கள் நினைவுகளைப் பாதுகாக்கவும் பகிர்ந்து கொள்ளவும் பயன்படுத்தும் சொற்கள் மற்றும் கருத்துகள்.

தான்ய, தெலுங்கு மொழிக் குழுவின் ஒரு அமர்வை ஒலிப்பதிவு செய்யும் காட்சி.

தமிழ் மொழிக் குழு கலந்துரையாடலில் ஈடுபட்டுள்ள காட்சி.

தான்ய தெலுங்கு மொழிக் குழுவில் மொழிபெயர்க்கும் காட்சி.

மலையாள மொழிக் குழு ஒரு அமர்வில் பங்கேற்கும் காட்சி.

மதிய உணவுக்குப் பிறகு ஏற்படும் தூக்கத்தையும் சோர்வையும் போக்குவதற்காக சமீரா தலைமையில் நடைபெற்ற ஒரு வேடிக்கையான செயல்பாடு.

கீஸ்டோன் அறக்கட்டளை சேர்ந்த ரஞ்சனி தமிழ் மொழிக் குழுவில் மொழிபெயர்க்கும் காட்சி.

அந்தர அட்வைஸோரிஐச் சேர்ந்த அபர்ணா தெலுங்கு மொழிக் குழுவில் மொழிபெயர்க்கும் காட்சி.